|
ääna vunn uus
haddet ganz bis ruff
geschafft, unn moins
ganz frieh sich in de himmel
fuattgemach
a flieht jetz
runserum de welt
gesitt ganz gudd
vunn owwen, wiet lòò
unnen alles is beschtellt
gesitt ganz knau
woot eis vaschmilzt,
woo iwwaall de lufft is schlecht,
et wassa dreckich
unnet leewen efftas ungerecht.
a luut fascht soo wie GOTT
vunn owwen uff de leit
gesit woot fäählt
saat daddet ball is
heekschte zeit
ma luun jetz annascht
inn de schternennaat
seitdeem dea jetz
als SAARSCHTRONAUT
is aangesaat
sei blick, sei werta
woo a saat
hann hand unn fuuß,
erleichten hella jetz uus
erd unn weltraumnaat!
|
