|
Weddahaahn
Im Abril
Der macht
nit wadda will.
A waat
De ganzen Daach
Uff Wind.
Unn dòòdruff
datt dea dann,
Aam Räädchin drääht
Unn aach da Haahn
Dann gleich gesitt
Wohääa da Wind
Eascht jetz,
Unn dann aach schpääda weeht.
Et Räädchin
Qietscht,
Da Weddahaahn
Luut ruich
Em zuu
Unn schteeht
Im Friehlingswind
Ganz schtill
Unn lauschdat
Uff de Wind
Bis däären
Drääht
Mòòl hääa mòòl hinn!
Sei blechen Klääd -
Soo wieet jetz
Im Wind lòò schteet
Is in da Sunn
Aam glitzan schunn
Unn aach vunn frieh bis schpäät
Mit seinem silvan Haahnenklääd
Vunn weidem se gesinn!
|
