|
"Ich hieden gääa Dei Schòòf“,
Saat da Wendelin
Zum beesen Graaf
Unn geeeht dòòhin
Woot Graas is grien
Unn Gebeeta kummen
Leicht ääm iwwa de Lippen
Gesaat gedòòn,
A is gleich druff in da gudd Wies
Mit seinen Schòòf geweehn
Unn hot dòò gebeet
Unn alles wòòa scheen!
Dòò reit da Graaf vòabei
Unn ärjat sich, unn schennt
Weil da Wendelin
Wòa vill se weit weg
Vunn dahemm
Middem Graf seinen Schòòf gerennt
Wie schpääda
Da Graaf kummt hämm
Wòòa da Wendelin mit de Schòòf
Längscht schunn dòò geweehn.
Datt Wunna hoddem Graaf
Se denken ginn
A hat nimmeh geschennt
Unnem Wendel
Sei eijen Kabell geschenkt.
Vunn dòò aan hat da Wendel de Leit geholf
Gewisst wie ma Diera kurriert
Wòa Abt in Tholey im Klooschda
Hot iwwaall sich als vòabild benumm
Bei de Leit is gudd aan a kumm.
Hot gefiehrt en häälich Leewen
Jeeda wollt hann sei Seejen
A hat bis zum doot fòa de Leit geleevt,
Leit beerdicht in St. Wendel im Doom
Woo ma heit noch gääa zum beet.
Patrik H. Feltes, gen. Veltz
|
